Von Rütte-Gut
Üse Ort wo mir dr ganz Tag wärde si isch z'von Rütte-Gut in Sutz am Bielersee.
Seestrasse 6
2572 Sutz
Trouig
13:45 Uhr
Unger de Öpfuböim
Apéro
14:45 - 17:45 Uhr
Ufem Chiesplatz & unger dr Pergola
Znacht & Party
18:30 - 01:30 Uhr
Im Saal
Wichtigste Frage u Antworte
Ihträffe
D'Trouigs-Gäst dörfe gärn ab 13:00 Uhr ihträffe u d'Apéro-Gäst ab 14:00 Uhr.
Ahreise
Mir empfehle us -Gründ mitem Zug ahzreise. Vom BTI-Bahnof "Sutz, Bahnhof" sis ca. 7 Minute zum loufe. Eifach am Schiud "von Rütte-Gut" fouge.
Trouigs-Gäst wo mitm Zug chöme, chöi dä näh wo am 12:50 Uhr z'Bieu abfahrt u am 12:57 Uhr z'Sutz am Bahnhof isch.
D'Apéro-Gäst nähme am beste dr Zug am 13:50 Uhr, de sitr am 13:57 z'Sutz am Bahnhof u am 14:05 Uhr bim von Rütte-Gut.
Hets Parkplätz?
Ja, es het direkt bim von Rütte-Gut es paar Parkplätz und we die nid länge, chame ou bide Parkplätz vor Chile Sutz parkiere.
Heireis
Dr letst Zug fahrt am 00:07 Uhr ab Sutz u am 01:56 Uhr hets ä Moonliner wo ab Sutz fahrt. Schüsch chame natürlech o es Taxi näh.
Gits ä Dresscode?
Mir wünsche üs ä chici, festlechi Gseuschaft.
D'Farb Wiis ghört dr Brut,
schüsch sit dir farblech völlig frei.
Dörfe mir d'Ching mitnäh?
Mir wünsche üs am Abe es Fest ohni Ching. Bir Trouig u bim Apéro dörfe d'Ching aber gärn no drbi si.